«Менің атамекенім» қоғамдық бірлестік жайлы

• Миссиясы

Қайырымдылық және меценанттық мәдениетті дамытуға бағытталған жобаларды іске асыру - «Менің атамекенім» қоғамдық бірлестігінің миссиясы.

• Басты мақсаты

Әлеуметтік мәселенің шешімін табу, ал қайырымдылық істердің назардан тыс қалмауы жолында көмекке мұқтаж азаматтар мен қайырымды жандарды байланыстыру – басты мақсатымыз.

• Жүйе жайлы

Кез келген әлеуметтік мәселелердің шешімін тез табуға, қайырымдылыққа түскен қаражаттардың түсімі мен көмек алушыға жеткізілуін қадағалауға мүмкіндік беретін ыңғайлы әрі ашық алаң.

МЕКТЕПКЕ ЖОЛ

Қазақстан Республикасында жыл сайынғы "Мектепке жол" қайырымдылық акциясы 12 жыл бойы өткізіліп келеді. Акция барысында әлеуметтік себептер бойынша мектепке бармайтын балаларды анықтауға, сондай-ақ халықтың әлеуметтік қорғалмаған топтағы балаларды мектепке дайындау бойынша көмек көрсетуге ерекше назар аударылды.

 «www.atamekenim.kz» порталы «Мектепке жол» платформасын құру

Ағымдағы жылы республикада көмекке мұқтаж балаларды барынша қамту мақсатында «Мектепке жол» қайырымдылық акциясы оның дәстүрлі басталуына бір ай ерте, шілде айынан басталғандығы өздеріңізге белгілі.

«Ата мекенім» қоғамдық қорының қолдауымен «www.atamekenim.kz» порталында көмекке мұқтаж ата-аналар өз өтінімдерін қалдыра алатын «Мектепке жол» платформасы құрылды.

Өз кезегінде демеушілер мен меценаттар ақшалай қаражатты онлайн-аудара отырып осы портал арқылы көмек көрсету бойынша өз ниеттерін жүзеге асыра алады. Бұл платформа жыл бойы жұмыс жасайды.

Ата-аналардан немесе оларды алмастырушы тұлғалардан түскен өтініштер ұлттық білім беру дерекқорының мәліметтерімен салыстырылатын болады, одан кейін көмек атаулы түрде бөлінетін болады.

Сонымен қатар, көмек көрсетудің дәстүрлі әдістері жалғасатын болады.

Сонымен бірге, балалардың құқықтарын бұзу фактілері бойынша жедел әрекет ету және шаралар қабылдау үшін «Телеграмм» мессенджерінде «BALA QORAÝ» («https://t.me/bala_qorgau») чат құрылды.

«Мектепке жол» платформасын толтыру бойынша іс-қимыл алгоритмі

1. Қадам. Мекенжай өрісінде www.atamekenim.kz теру қажет.